Ютазыда янгын куркынычсызлыгы югары

Районның дәүләт янгын күзәтчелеге начальнигы Марат Харисов хәбәр итүенчә, торак секторында янгыннар һәм анда кешеләр үлеме белән хәл киеренке булып кала. 2013 елда районда 24 янгын чыккан, бу 2012 ел белән чагыштырганда, 4,3 процентка артык. Анда ике кеше һәлак булган, 2012 елда - бер. Агымдагы ел да шулай ук имин башланмады - янгында 1923 елда туган өлкән кеше вафат. Шартларны исәпкә алып, янгын сагы хезмәткәрләре, җирле үзидарә органнары, полиция, социаль яклау бүлеге белән бергә "Торак-2014" профилактик операциясе үткәрә. Беренче чиратта чаралар янгыннар һәм аларда кешеләр үлеме белән вәзгыять начар булган торак пунктларда уздырылачак.