Демографик кризис чигенә

Монда "Кәрәкәшле" һәм "Таң" җаваплылыгы чикле җәмгыятьләренең өлеше зур. Бозау алуны арттыру, вак малны сатмау хисабына җәмәгать көтүен беренчесе 35, икенчесе 26 башка күбәйткән. "Ситдыйков" КФХ - районда терлек киметүче бердәнбер коллектив. Мал башын саклауда хәтта гаилә фермаларының да өлеше саллы. Районда терлекчелек продукциясе артуы да күзәтелә. 2011 елга караганда ит 22 тоннага, сөт 200 тоннага күбрәк җитештерелгән. Аграрчылар үлем-китемне дә 36 башка киметкәннәр. Әмма "Нур-Агро" ҖЧҖда терлек үлеме белән бәйле вәзгыять киеренке кала, дип хәбәр иттеләр авыл хуҗалыгы һәм азык-төлек идарәсенең терлекчелек бүлегендә.