Район терлекчеләре салкын һава шартларында штаттагы режимда эшләде

"Нәбиуллин", "Кәрәкәшле", "Таң", "Уңыш", "АгроМир" коллективларыннан хәбәр итүләренчә, фермалардагы механизмнар туңуга юл куймау өчен бөтен көч файдаланылган. Шуның нәтиҗәсендә малларны ашату, савым өзелми, сөт кимүгә юл куелмый. Бүгенге көндә район буенча көнлек сөт узган елга караганда ике тоннага күбрәк савыла, дип хәбәр иттеләр авыл хуҗалыгы һәм азык-төлек идарәсендә.