Районда туфракны эшкәртү һәм көзге культураларны чәчү буенча республика семинары узды

"АгроМир" җәмгыяте базасына Татарстанның Көняк-Көнчыгыш төбәге районнарыннан җыелган җитәкчеләр һәм белгечләр кырчылык тармагы каршында торган көнүзәк мәсьәләләр, көзге игеннәрне чәчү нечкәлекләре һәм уҗым культураларының өметле сортлары турында киңәш-табыш иттеләр. Чара эшендә ТР авыл хуҗалыгы һәм азык-төлек министрының үсемлекчелек һәм инженер-техник сәясәт буенча урынбасарлары Илдус Габдрахманов, Тәлгать Таһирҗанов, "Татарстанның элита орлыклары" Ассоциациясе генераль директоры Юрий Еров һәм башка белгечләр, шулай ук авыл хуҗалыгы техникасы дилерлары һәм тәэминатчылары катнашты.