Хезмәтне саклау - үзеңне саклау

Язгы кыр эшләренә керешер алдыннан хезмәтне саклау таләпләрен искә төшерү, яңаларын өйрәнү буенча кыска вакытлы укулар механизаторлар белән генә түгел, урта звено белгечләре, хәтта бухгалтерия хезмәткәрләре белән дә узачак, дип хәбәр иттеләр район авыл хуҗалыгы һәм азык-төлек идарәсендә. Соңгы арада гына да республиканың аграр тармагында хезмәтне саклау кагыйдәләрен бозу сәбәпле өч кешенең гомере өзелгән.