Гүзәл затлар өчен

Гүзәл затларыбызны район башлыгы Р. Нуриев исеменнән һәм үз исеменнән башкарма комитет җитәкчесе А. Подовалов котлады. Ул, шулай ук, районның төрле сферада эшләүче 12 хөрмәтле хатын-кызына истәлекле бүләкләр һәм чәчәк бәйләмнәре дә тапшырды. Залда утырган һәрбер хатын-кызга ир-егетләребез чәчәкләр өләште, үзләренең иң матур, шаян җырларын багышладылар. Концерт тәмамланганнан соң ретро-дискотека оештырылган иде. Бәйрәмнән һәр гүзәл зат яхшы кәеф, күңелдә яктылык һәм энергия алып китте.