Район эшмәкәрләре субсидия алачак

Бу сорау буенча тулырак мәгълүмат белән район башкарма комитеты җитәкчесенең беренче урынбасары вазифасын башкаручы Ренат Вадигуллин һәм Татарстан Республикасының эшмәкәрләргә ярдәм күрсәтүче үзәк вәкиле Булат Шәйхразиев чыгыш ясадылар. Сүз, нигездә, лизинг килешүе төзегән кече һәм урта эшмәкәрлек субъектларының субсидияләр төрендәге дәүләт ярдәменә исәп тота алулары турында барды. Киңәшмәдә, кагыйдә буларак, бу сәнәгатьнең эшкәртү секторына һәм аграр комплекска кагыла, дип әйтеп үтелде.