Район җитәкчелеге үзәктән ерак урамнарны да игътибарсыз калдырмаска булды

Бу турыда район башлыгы Рөстәм Нуриев район үзәгендәге урамнар вәкилләре белән очрашу барышында хәбәр итте. Үзара эш форматын җиткереп, ул мондый очрашуларның ике якка да файдалы булуын билгеләп үтте. Әйтик, район һәм бистә җитәкчелеге игътибарыннан читтә калмаячак урын - үзәктән ерак урамнар булырга тиеш, ә анда яшәүчеләр үз урамнары мәнфәгатьләрен җаваплы кеше аша җиткерә ала. Шул ук агачлар утыртуга конструктив якын килү мөһим. Бер урамда - юкәләр, икенчесендә - каеннар утыртырга була, яки объектив сәбәпләр аркасында куаклар белән дә чикләнергә мөмкин. Урамнар өчен җаваплыларга исә сорауны җитәкчелеккә җиткерергә һәм, рөхсәт алып, шимбә өмәсе оештырырга була. Район башлыгы сүзләре буенча, кешеләрнең төзекләндерүдә, әһәмиятле проблемаларны чишүдә катнашулары тәрбияви роль дә уйный. Агач утырткан, чәчәк түтәле ясаган һәм йорт яны территориясен чүптән арындырган кеше бу эшләрнең барысына да үз хезмәте җимешләре буларак караячак. Чүп чыгару яки кардан чистарту буенча машина килмәгәнме, юл участогына вак таш җәяргә кирәкме яки башка көнкүреш мәсьәләләрен хәл итү мәҗбүриме - боларның барысы турында да урам буенча җаваплы "үзәккә" хәбәр итә. Әлбәттә, диде район башлыгы, сорауларны хәл итү реаль мөмкинлекләрдән чыгып башкарылачак. Ә юлларның кайчан гражданнар таләпләренә җавап бирәчәге турындагы риторик сорауларны тикшерү - рәхмәтле эш түгел. Нуриев җыелучылар игътибарын ел саен муниципалитет төзекләндерүгә сарыф иткән 25 миллион сум акчаның нәтиҗәле файдаланылуына юнәлтте. Бүгенге көнгә кырыкка якын йорт яны территориясе калган, аларны ике ел эчендә ремонтлап бетерү күздә тотыла.

Әгәр тротуарлар төзү, йорт яны территорияләрен ремонтлау финанс чыгымнары таләп итсә, шәхси йорт яны территорияләрен тәртиптә тоту, урамнарны яшелләндерү, күп фатирлы йортларда яшәүчеләрнең шимбә өмәләрен аңлап кабул итүләре - тупланганлык, үзең яшәгән урамның, торак пунктыңның алгарышлы үсешендә катнашырга теләкне сорый. Ягъни, яшелләндерү - икенче дәрәҗәдәге мәсьәлә түгел. Бу саф һава да, матурлык та, уңайлылык та, яхшы кәеф тә. Әлеге эшне оныта башлаган район халкына аны искә төшерергә вакыт. Очрашу барышында район тормыш эшчәнлегенең башка сораулары да тикшерелде.