Район ЗАГСында елның йөзенче пары теркәлде

Байлар авылыннан Эльнар Гәрәйшин һәм Түбән Кама шәһәреннән Айгөл Шәмсетдинова үзләренең йөзенче пар булуларына бик тә сөенделәр һәм шул вакытта гаҗәпләнделәр. Чөнки әти-әниләреннән, туган-тумачаларыннан алган котлаулардан тыш аларга район башлыгы Рөстәм Нуриев һәм "Бердәм Россия" җирле сәяси партиясеннән дә истәлекле бүләк тапшырдылар. Саннар: Узган 2012 елда районда йөзенче пар 7 сентябрьдә теркәлгән булса, агымдагы елда 100 пар 13 сентябрьдә язылышкан. 2013 елның 1 сентябренә ЗАГС биргән мәгълүматларга караганда, районда 198 сабый дөньяга килгән, ә 2012 елның шул чорына бу сан - 203.