Районның унөч шәхси ярдәмче хуҗалыгы ияләре савым аппаратларына ия булды

Шәхси ярдәмче хуҗалыкларны үстерүгә нигезләнгән республика президент программасы буенча ихаталарында өч һәм аннан да күбрәк сыер асраучы гаиләләр "40х60" схемасы буенча 18 мең сумлык савым аппаратларына ия булды. Әлеге кешеләр арасында Кәрәкәшле авылыннан сигез баш сыер савучы Әлфия Абдуллина, Ютазы авылыннан алты баш сөтлебикә асраучы Санчидә Мамадиева, Подгорный бистәсеннән биш баш сыер тотучы Фәрһад Әхмәтшин бар.