Урыссу җылылык челтәрләре 1356 метр торба үткәргечләрне алыштырачак

Шулай итеп, бу көннәрдә җылылык челтәрен реконструкцияләү буенча эшләр Муса Җәлил һәм Чкалов урамнарында алып барыла. Биредә тузган торбаларны пенополиуретан изоляцияле торбаларга алыштырыла. Предприятие директоры Равил Шәйгарданов сүзләре буенча, әлеге торба үт-кәргечнең төп өстенлеге - җылылыкны азрак югалту һәм оператив диспетчерлык контроле (ОДК) системасы булу. Моннан тыш, дип билгеләп үтте ул, бу изоляция юешләнүне контрольдә тотарга мөмкинлек бирә. Нәтиҗәдә иртә стадиядә проблемалы урыннарны ачыкларга, зарарланган җирләрне төзәтергә мөмкин. 20 майда башланган капиталь ремонтны предприятие 13 сентябрьгә тәмамларга ниятли. Бүгенге көнгә Урыссу бистәсе җылылык челтәрләренең 90 проценты алыштырылган. Эшләнәсе эшләр Урыссу урамында, Икмәк һәм Славян тыкрыкларында калган.