Ютазы ветераннарына – кадер һәм хөрмәт

Бөек Ватан сугышы инвалиды Мансур Хөснулла улы Исмәгыйлевны 90 яшьлек юбилее белән район башкарма комитеты җитәкчесе вазифаларын вакытлыча башкаручы Ренат Вәдигуллин котлады. Хезмәт ветераны Мария Михайловна Тимошина үзенең 90 яшьлеге хөрмәтенә ихлас теләкләр кабул итеп алса, тыл хезмәтчәне Хатирә Миннеәхмәт кызы Гобәйдуллина исә үзенең 95 яшьлек юбилее уңаеннан кадер-хөрмәтнең зурысына лаек булды. Утны-суны кичкән чал чәчле якташларыбызны тормышларындагы истәлекле көн белән район ветераннар советы рәисе Зоя Глушкова, халыкны социаль яклау бүлеге начальнигы Джанна Волкова тәбрик итте.