Урыссулы Булат ага Афзаловка – 90 яшь

Ватаныбызны фашист илбасарларыннан саклап һәм яклап көрәшкән, туган җиренә бөек җиңү белән әйләнеп кайткан фронтовик озак еллар Урыссуның агач эшкәртү комбинатында эшли, шуннан лаеклы ялга чыккан. Илле елдан артык иңне-иңгә куеп яшәгән тормыш иптәше белән алар өч бала тәрбияләп үстерәләр. Бүген туксан яшен тутырган Бөек Ватан сугышы ветераны Булат Кыям улы Афзалов күп санлы онык һәм оныкчыклары тәрбиясендә яши.