Ютазы таңы
  • Рус Тат
  • Бер елдан соң күңелле очрашу

    Июньнең соңгы көннәрендә безнең район делегациясе күрсәтмә сабантуй уздыру кебек күңелле миссия белән Оренбург өлкәсенең Орск шәһәрендә булды. Сүз уңаенда, кунакчыл өлкәгә баруның бу инде икенче очрагы.

    Безнең делегация Орскка иртәнгә барып җитәргә тиеш иде, шуңа күрә без кичтән юлга чыгып киттек. Узган елны юл буе яңгыр озата барса, быел исә эссе һава хөкем сөрде. Иртән Орскка кергән урында безне шәһәрнең социаль сәясәт буенча хакимият башлыгы урынбасары Владимир Васькин һәм хакимиятнең җәмәгать элемтәләре һәм милли сәясәт буенча әйдәүче белгече Владимир Коптев каршы алдылар ютазылылар орсклылар өчен тагын күркәм бәйрәм оештырачагын алар быел яхшы беләләр иде).
    Зур канәгатьлек белдереп, без шәһәр буенча экскурсия ясадык. Мәчеттә булдык, 2010 елда аңа 110 ел тулган, ә узган елда, капиталь ремонттан соң, аның базасында мәдрәсә ачканнар. Әлеге күркәм вакыйга белән котлап, безнең район җитәкчелеге исеменнән район башлыгы урынбасары Рәмзия Хәкимова җирле мөселман оешмасы рәисе Кунакбай Акуловка мәчет өчен келәм тапшырды. Алда безне 11 башлы - 2008 елда салына башлаган Георгий Победоносец чиркәвенә бару көтте. Монда Рәмзия Кәшиф кызы протоиерей Сергийга киләчәктә булачак чиркәүнең яңа бинасын ачуга кечкенә бүләк тапшырды.
    Үтә кызу һава торышы белән бәйле рәвештә, быел без, рәсми шәһәр пляжына барып, хәтта Ауропа-Азия зонасының иң зур елгасын, илнең таш поясы, шәһәрнең су артериясе булган Урал елгасы аша чыгу бәхетенә ирештек.
    Бәйрәм көннең икенче яртысында - кызу һава үзенең иң югары ноктасына җиткәч башланды. Әмма бу татар милли бәйрәмен карарга теләүчеләр өчен киртә булмады, чөнки узган елда орсклылар сабан туеннан бик канәгать калдылар. Ә ул исә үзәк мәдәният һәм ял паркында узган Яшьләр көненә туры китерелгән иде. "Туган тел" татар-башкорт мәдәни үзәге җәмәгать оешмасы артистлары чыгышыннан соң, безнең артистларның "Ай, рәхмәт!" күренеше игътибар үзәгендә булды. Әлеге күренештә катнашучы төркем "Туган тел" үзәге чатырына юнәлде. Кешеләр татарча милли бию көенә рәхәтләнеп биеделәр, безнең яраткан чәк-чәктән авыз иттеләр, күңел ачу барысын да үзенә җәлеп итте.
    Менә ике дус шәһәр - Орск һәм безнең районның рәсми вәкилләре сәхнәгә менде: Татарстан Республикасы Президенты Рөстәм Миңнехановның орсклыларга котлауларын җиткергән ТР буенча ветеринар һәм фитосанитар күзәтчелек буенча федераль хезмәт идарәсе җитәкчесе урынбасары Рәхимҗан Кәримов, район башлыгы вазифаларын башкаручы Рөстәм Нуриевның сәламләүләрен һәм тәбрикләүләрен җиткергән Ютазы районы башлыгы урынбасары Рәмзия Хәкимова, шулай ук Орск шәһәренең социаль сәясәт буенча хакимият башлыгы урынбасары Владимир Васькин һәм Орск шәһәренең иҗтимагый оешмаларының башка вәкилләре. Рәмзия Кәшиф кызы шәһәрнең иҗтимагый оешмалары җитәкчеләренә истәлекле бүләкләр тапшырды. Үзләрен төрле өлкәләрдә күрсәткән Орск шәһәре гражданнарына бүләкләр тапшырылды. Күңелле бәйрәмне оештырган өчен шәһәр башлыгының рәхмәт һәм сәламләү хатлары республика җитәкчелегенә, район башлыгы вазифаларын башкаручы Рөстәм Нуриевка, район башлыгы урынбасары Р. Хәкимовага адресланды.
    Район мәдәният йорты артистлары, аеруча яшь йолдызчыклар лаеклы чыгыш ясады. Теге яки бу бию белән Минзилә Абдурахманова тәрбияләнүчеләре чыгышларын игълан иткәндә, тамашачылар сабан туеның күңел ачу чаралары урыннарыннан төркем белән райондагы теләсә нинди бәйрәмнең алмаштыргысыз атрибуты булган - "Ютазы йолдызлары" халык бию ансамбле башкаруындагы ялкынлы биюләрне карауга күчтеләр. Гөлчәчәк Вәлиеваны, Земфира Чехонинаны, Рамил Абдурахмановны, Оксана Җәләеваны, Эльвира Абашеваны, баянчы Ленар Әюповны ялкынлы алкышлар белән каршы алдылар. Сәхнәдә артистлар чыгыш ясаганда, сәхнәдән ерак түгел орсклылар зур азарт белән традицион милли уеннарда катнаштылар. Ә Минзилә Абдурахманова исә Рөстәм исемле улы һәм мәдәният бүлеге начальнигы Зилә Шәрипова белән хуҗаларның күңелләрен күтәрделәр.
    ТР президенты Указы белән ютазылылар киләсе елга кайда барачак? Әлегә моны беркем дә белми. Әмма бер нәрсә безгә ачык билгеле: әлеге Указ безне кайда алып барса да, ютазылылар район намусын якларлар.

    Нравится
    Поделиться:
    Реклама
    Комментарии (0)
    Осталось символов: