Ютазы таңы
  • Рус Тат
  • “Истоки” халык ветераннар хоры “Каравон”га чакырылган

    Ел саен Лаеш районында "Каравон" Бөтенроссия рус халык иҗаты фестивале уза. Ул бөтен республикадан 30 иҗат коллективын җыячак.

    29 майда үтәчәк рус җыры бәйрәменә районыбыз артистлары - ветераннар арасында үзешчән башкаручыларның республика конкурсы лауреатлары, "Истоки" халык ветераннар хоры чакырылды. Талантлы ютазылыларның Иҗади берлеге 2002 елда Мәгариф ветераннары советы инициативасы буенча оеша. Бу вакыт эчендә хор коллективы район намусын республика һәм төбәк әһәмиятендәге бәйгеләрдә, фестивальләрдә яклый. Шул ук вакытта үзешчән башкаручылар иҗтимагый әһәмияттәге проектлар белән актив шөгыльләнә. Алар исәбендә инде 230дән артык хәйрия концерты бар. Оешкан көненнән башлап бүгенге көнгә кадәр музыкаль җитәкче, хормейстер булып республиканың атказанган мәдәният хезмәткәре, югары квалификацион категорияле укытучы Ирина Иванаевская тора.
    - Без каравонда беренче тапкыр катнашачакбыз һәм бу безнең өчен бик дулкынландыргыч. Бәйрәмдә безгә "хоровод" уйнарга һәм биш минут эченә сыешып, репертуарыбыздан җырлар башкарырга кирәк булачак. Хәзер коллектив актив рәвештә программа әзерли, аңа хорда катнашучыларның автор җырлары да, халык җырлары да керәчәк, - дип планнары белән уртаклашты җитәкче.
    Җәй башы коллектив өчен сәфәрләргә бай булачак. Әйтик, "Каравон" фестиваленнән соң ук ветераннар Казанга хорларның "Без - төрле, әмма без бергә" республика конкурсы финалына барачак. Бәйгене "Җир хартиясе" проекты кысаларында "Татарстан - новый век" - "Татарстан - яңа гасыр" республика иҗтимагый хәрәкәте уздыра. Безнең артистлар анда Әлмәттә узган сайлап алу туры нәтиҗәләре буенча чакырылган. Безнең артистлар анда Әлмәттә узган сайлап алу туры нәтиҗәләре буенча чакырылган. Алар Кремль алдындагы мәйданда чыгыш ясаячак.

    Иң мөһим һәм кызыклы язмаларны Татмедиа Telegram-каналында укыгыз


    Нравится
    Поделиться:
    Реклама
    Комментарии (0)
    Осталось символов: