Ютазы таңы
  • Рус Тат
  • Район электр челтәрләре бинасына мемориаль такта куелды

    Эш атнасы ахыры районның абруйлы предприятиеләренең берсе - «Челтәр компаниясе» ААҖ филиалы Бөгелмә электр челтәрләренең район электр челтәрләре өчен шатлыклы вакыйга белән билгеләнде: Бөгелмә электр челтәрләренең 50 еллыгы уңаеннан район электр челтәрләре бинасына тантаналы рәвештә мемориаль такта куелды.

    Җыелган кунакларның, хезмәт коллективының һәм предприятие җитәкчелегенең көчле алкышлары астында мемориаль тактаның япмасын салдыру абруйлы вазифасы производство ветераннары Шат Мөхәммәдиевка һәм Иван Безруковка йөкләнде. Шуны билгеләп үтәргә кирәк, әлеге 1955 елда төзелгән бина - «Уруссуэнерго» район энергетика идарәсе - республиканың булачак энергия системасы үсеше өчен Татарстанның Кама аръягы регионындагы зур стратегик әһәмияткә ия булган беренче зур энергетика предприятиесе була. Соңрак, 1957 елда, Уруссуэнерго Әлмәт электр челтәрләре идарәсе итеп үзгәртелә. Ә тагын да соңрак, бинада үзенең структур бүлекчәләрен урнаштырган Бөгелмә электр челтәрләре дип атала башлый, ул исә биш муниципаль район территориясендә Татарстанның бөтен көньяк-көнчыгышына - Ютазы, Баулы, Бөгелмә, шулай ук Лениногорский һәм Чирмешән районнарына хезмәт күрсәтә.

    Тантаналы чараны ачуда катнашкан «Челтәр компаниясе» акционерлык җәмгыятенең генераль директоры урынбасары Рәшат Галимҗанов предприятие коллективына бинаның сакланганлыгы өчен рәхмәт белдерде. Чөнки ул челтәрчеләрнең республика көньяк-көнчыгышында энергетика башлангыч алган тарихи һәйкәле булып тора. Хезмәттәшләре адресына җылы котлау сүзләрен «Челтәр компаниясе» ААҖ Бөгелмә электр челтәрләре директоры Альмир Латыйпов җиткерде. Район башлыгы Рөстәм Нуриев, җыелучыларны әлеге әһәмиятле көн белән котлап, район челтәрчеләренә соңгы вакытта башкарылган масштаблы эшләре, производствоның челтәр һәм генерацияләү юнәлешенә өлеш керткәннәре өчен рәхмәт белдерде. Әлеге бинаны төзүнең чишмә башында гына түгел, тулаем электр техникасы хуҗалыгы үсеше чишмә башында торган компания ветераннарына да рәхмәт сүзләре әйтеп, ул һава шартларының да игътибарга лаек булуын ассызыклады: үзәккә үткеч җил замандашларыбызның өлкән буынга, аларның энтузиазмы һәм хезмәт казанышларына карата хөрмәтне арттыра гына.

    Иң мөһим һәм кызыклы язмаларны Татмедиа Telegram-каналында укыгыз


    Нравится
    Поделиться:
    Реклама
    Комментарии (0)
    Осталось символов: