Ютазы таңы
  • Рус Тат
  • Аның үз яшен исәпләргә вакыты юк

    Шушы көннәрдә район ветераннарының башлангыч оешмасы рәисе, район ветераннар советы президиумы әгъзасы Людмила Купцова 75 яшьлек юбилее уңаеннан котлаулар кабул итте. Район советы аппараты җитәкчесе Гүзәл Латыйпова Людмила Степановнаны юбилее белән тәбрикләргә килгән. Район башлыгы вазифаларын башкаручыдан һәм шәхсән үзеннән изге теләкләр юллап, ул юбилярга чәчәкләр һәм район башлыгының рәхмәт...

    Шушы көннәрдә район ветераннарының башлангыч оешмасы рәисе, район ветераннар советы президиумы әгъзасы Людмила Купцова 75 яшьлек юбилее уңаеннан котлаулар кабул итте.

    Район советы аппараты җитәкчесе Гүзәл Латыйпова Людмила Степановнаны юбилее белән тәбрикләргә килгән. Район башлыгы вазифаларын башкаручыдан һәм шәхсән үзеннән изге теләкләр юллап, ул юбилярга чәчәкләр һәм район башлыгының рәхмәт хатын тапшырды. Иҗтимагый совет рәисе, Ютазы районында кеше хокуклары буенча вәкаләтле вәкилнең ярдәмчесе Р. Муллагалиева һәм Россия Федерациясе Коммунистик партиясенең җирле бүлекчәсе секретаре В. Шмуровец та тантана сәбәпчесенә үз котлауларын тапшырып, бүләкләр өләштеләр.

    Бакалы районының Утар авылында туган Людмила Степановна, урта мәктәпне тәмамлаганнан соң, Бәләбәй училищесында белем алып, шәфкать туташы һөнәренә ия була. Әлеге өлкәдә ул 20 ел эшли һәм шулкадәр үк - Урыссу бистәсендәге балалар бакчасында мөдир булып хезмәт куя. Тынгы белмәс Людмила Степановна лаеклы ялга чыкканнан соң да районның иҗтимагый тормышында да актив катнашуын дәвам итә. Әлеге шат күңелле, игелекле һәм аралашучан кеше - бик яхшы әни, әби һәм тормыш иптәше дә. Ире белән ул 52 ел дәвамында татулыкта яши. Алар ике ул һәм дүрт онык тәрбияли. "Мөмкинлек буенча авыруларга һәм өлкән кешеләргә ярдәм итәм. Үземне бәхетле диямен", - дип уртаклаша Купцова.

    Иҗтимагый эш буенча хезмәттәшләренең юбилей датасы уңаеннан хатын-кызлар көчле тавыш белән "... К сожалению, день рождения только раз в году" җырын җырладылар. Тантана сәбәпчесенең яшен исәпләргә вакыты юк - ул һәрвакыт якыннары турында кайгыртып яши.

    Нравится
    Поделиться:
    Реклама
    Комментарии (0)
    Осталось символов: