Ютазы таңы
  • Рус Тат
  • Эшкә бәя - кешеләр хөрмәте

    Якшәмбе көнне почта хезмәткәрләре үзләренең һөнәри бәйрәмен - Россия почтасы көнен билгеләп узачаклар. Ютазы авылында эшләүче Алсу Хафизова да шулар арасында.

    Алсу Хафизова халык арасында яхшы сүз белән телгә алынучы хат өләшү-челәрнең берсе. Алсу Ринат кызының хат ташучы булып эшләвенә әле бер ел да юк - почта элемтәсе узелына ул 2011 елның августында урнаша. Моңа кадәр Алсу сәүдә өлкәсендә хезмәт күрсәткән. Эш сөючәнлеге, игелеклелеге һәм ачык күңеллелеге белән ул кыска вакыт эчендә кешеләрне үзенә җәлеп итә. Ютазы авылында яшәүче Фәүзия Земскова А. Хафизова хезмәт күрсәткән участокта яши. Аның мәгълүматлары буенча, Алсу Ринат кызы пөхтә итеп, көнен-көнгә туры китереп, газета һәм журналларны алып килә, өлкән яшьтәге кешеләргә пенсияләр тарата, басмаларга яздыра. "Алсу ялда булганда, без аны юксындык", - ди Фәүзия ханым. Кешеләр арасында хөрмәт казану - кеше хезмәтенә иң яхшы бәя.

    Нравится
    Поделиться:
    Реклама
    Комментарии (0)
    Осталось символов: