Балалар бакчаларында һәм мәктәпләрдә ремонт тәмамланып килә

Район мәктәпләрендә һәм балалар бакчаларында капиталь һәм агымдагы ремонт барышы белән катнашучыларны мәгариф бүлеге начальнигы Сергей Абрамов таныштырды. Ремонт эшләре хәзер тәмамлану стадиясендә. Аның сүзләре буенча, ремонтка район бюджетыннан һәм бюджеттан тыш акча 25 миллион сумнан артык күләмдә бүленгән. Район башлыгы вазифаларын башкаручы Рөстәм Нуриев барлык ремонтланган объектларның этап буенча һәм вакытында тапшырылырга тиеш булуына басым ясады. Моннан тыш, киңәшмәдә Роспотребнадзорның һәм Дәүләт янгын күзәтчелгенең таләпләре җиткерелде, шулай ук ресурсларны сак файдалану, тарификация, "Ел мәктәбе" һәм "Ел балалар бакчасы" конкурсларына әзерлек мәсьәләләре тикшерелде.