Уйнап җитәкче булырга өйрәнәләр

Лидер сыйфатларына ия укучылар башта мәктәп бәйгеләрендә катнаштылар. Булачак район чарасында катнашу өчен 28 дәгъвалаучы - район башлыгы аппараты, предприятиеләр, хезмәтләр җитәкчеләре дублерына кандидатлар сайланды. Бу көннәрдә Балалар иҗаты үзәгендә кандидатуралар расланды һәм алар эшлекле уен барышында күрсәтергә тиеш булачак вазифаи затның функцияләре һәм бурычлары белән таныштылар. Балалар, "булачак җитәкчеләр" буларак, потенциаль экстремаль вәзгыять барышында карарлар кабул итәргә, шактый катлаулы мәсьәләләргә чишелеш табарга туры киләчәгеннән хәбәрдар, дип белдерде үзәк директорының укыту-тәрбия эшләре буенча урынбасары Р. Гәрәева.