Ютазы мәктәбенең өлкән сыйныф укучылары яраткан мәктәпләре белән саубуллашты

Кеше тормышында шатлыклы да, бераз моңсу да тәэсирләр калдыра торган бәйрәмгә мәртәбәле кунак булып килгән район башлыгы Рөстәм Нуриев чыгарылышчыларга туган төбәкләренә яхшы белгечләр булып кайтуларын теләде. Район мәгариф бүлеге начальнигы Гүзәлия Фәхертдинова, авыл җирлеге башлыгы Рәмзия Хәкимова, мәктәп директоры Әнвәр Ямалетдинов балаларга уңышлы сынау көннәре, матур тормыш еллары теләделәр.

Беренче сыйныф укучылары чыгышы, 11 сыйныф егетләре һәм кызларының вальс әйләнүе, аларның теләкләре язылган конвертлар белән төсле шарларның зәңгәр күккә күтәрелүе тантанага күтәренке рух өстәде.