Казанда “Татар кызы – таң йолдызы” бәйгесе уздырыла

Анда татар телендә аралашкан 15 -18 яшькәчә булган туташлар катнаша ала. Кызлар өч сынауны үтәргә бурычлы. "Йолдызлар балкышы" темасына җыр яки бию башкару. Бөек Җиңүгә 70 ел тулу уңаеннан проза, хикәя формасында бабаларының сугыш чорында булган хәлләрен яктырту, шигырь, лирика, драма һәм комедия жанры искә алына. Катнашучыларга әлеге әсәрнең идеясен, образын ачыклау таләп ителә. "Мин - татар кызы" темасына язма лентада портфолио әзерләп тапшыру мөһим, дип хәбәр итә "Шәһри Чаллы" басмасы.