Ватан турында җырладылар

Конкурс Россия Федерациясе конституциясен кабул итүнең 20 еллыгына багышланды. Анда 30 укучы катнашты. 9-13 яшьлек укучылар арасында "Соло-вокал" номинациясендә беренче урынны Алия Шәйгоманова (Димтамак мәктәбе) яулады, 2 урында Линар Госманов, 3 урын - Эдуарда Марченкода (икесе дә Каразирек мәктәбеннән); 14-17 яшьлек укучылар арасында 1 урын Гүзәлия Шәйгомановага (Ютазы мәктәбе) бирелде, 2 урын - Булат Хөсәеновта (Урыссудагы 3 санлы мәктәп), 3 урынга Ютазы мәктәбеннән Эльвина Шаяпова (Ютазы мәктәбе) лаек булды. Катнашучылары 9-13 яшьлек укучылардан торган вокаль ансамбльләр арасында Әбсәләм мәктәбе җиңде, 2 урынны Каразирек мәктәбе яулады, 3 урын - Урыссудагы 2 санлы мәктәптә; 14-17 яшьлек катнашучылар арасында бер җиңүче - Бәйрәкә мәктәбе.