Балалар иҗат үзәгендә "XXI гасыр кулибиннары" бәйгесенең нәтиҗәләре билгеле булды

"Проблеманы теоретик нигезләү" (анализ, исәпләү, фикер йөртү һәм проблемага караш) номинациясендә җиңүче дип Әбсәләм мәктәбе тәрбияләнүчесе Эмиль Гарифуллин табылды. Кызганыч, икенче һәм өченче урыннар билгеләнмәде, дип хәбәр итте директорның укыту-тәрбия эшләре буенча урынбасары Раушания Гәрәева. "Техник чишелеш" (прибор, конструкция, деталь, узел, аппарат...) номинациясендә беренче урынны Айнур Шияпов (Иске Урыссу мәктәбе) яулады, икенче - Фәрһад Мөхәммәтҗанов (Ютазы мәктәбе) һәм өченче - Айнур Гарипов (Каразирек мәктәбе).