Азнакайлылар Урыссуда зур концерт оештырган (видео)

Район халкы Азнакайның йөзек кашы булган "Квартет" төркеме, Алмаз Закиров башкаруындагы күңелле, шаян җырлар ишеттеләр, Миләүшә Зарифуллина башкарган биюләрне күреп үзләре дә биеп китәрдәй булып утырдылар. Концертның район мәдәният йортында узуның тагын бер максаты - Ютазы районында яшәүче Йосыпова Ләйсән Зирәк кызына савыгу өчен ярдәм кулы сузу. Азнакайлылар концерттан кергән акчаның берникадәр өлешен ярдәм йөзеннән әлеге кызчыкка тапшырдылар. Концерт ютазылылар күңеленә хуш килде, алкышлар белән тагын килүләрен көтеп калдылар.