Подгорный бистәсеннән Илдар Әхтәмов "Безнең заман" телевизион фестиваленә барачак

Әлмәттәге "Нефтьче" мәдәният сараенда узган фестивальнең зональ этабы Татарстанның тугыз районыннан иҗади эшче яшьләрне кабул итте. Республиканың 45 предприятиесеннән һәм оешмасыннан артистлык сәләте булган яшьләр республиканың халык артисты Резедә Галимова рәислегендәге жюри әгъзалары каршында үз осталыкларын күрсәтте. Безнең җирле яшьләр эшләре бүлеге исеменнән чыгыш ясаган бәйгедә катнашучылар Регина һәм Илдар җырда аерылып торды. Шул ук вакытта подгорныйлы егетебез тамашачыларның кайнар алкышларына лаек булып кына калмады, "Аерым җыр башкару" номинациясендә призлы икенче урынны да яулады. Ә бу, үзенчәлекле Подгорный егете Казанга йомгаклау гала-концертына барачак, дигән сүз.