Урыссулы Ильвира Абашева халыкара “Зөбәрҗәт шәһәр” конкурсында җиңде

Жюри әгъзалары хөкеменә ул "Республика көне" һәм "Хезмәт бәйрәме" кебек масштаблы район чараларының сценарийларын тәкъдим иткән. Шулай итеп, бәйрәмнәрнең иң яхшы сценарийлары өчен районыбыз мәдәни хезмәткәре мактаулы беренче урынга лаек булган. Шуны да өстәп әйтергә кирәк, иҗади рухлы хезмәткәр район концертларының, очрашуларының, митингларының алыштыргысыз алып баручысы булып тора. Өстәвенә, аның мәдәният өлкәсендәге стажы дистәләрчә еллар белән исәпләнә. Менә инде 17 ел ул сәхнәгә тугры хезмәт итә һәм аның йөрәгендә безнең районда алып баручылар мәктәбен булдыру хыялы чаткысы сүнми.