Әбсәләм һәм Урыссу артистлары Баулыда хәйрия концерты белән чыгыш ясады

Зөлфия Рәхмәтуллина җитәкчелегендәге Әбсәләм авылының "Сердәш" фольклор ансамбле һәм Урыссу бистәсендәге "Илһам чишмәләре" вокаль ансамбле зур концерт программасы белән Баулы шәһәренең "Березка" шифаханәсенә барган. Концертны алып бару вазифасы талантлы Гөлүсә Сәлмәновага ышанып тапшырылган. Тамашачылар гастролерларны җылы каршы алган һәм һәр иҗат номерын кайнар алкышлар белән озатып калган. Наил Зыязиев һәм Ленар Әюпов гармун моңнары озатуында безнең чал чәчле артистлар ял итүчеләр өчен чын бәйрәм оештырган.