Ютазы йолдызчыклары район халкына бию бәйрәме бүләк итте

Яшь йолдызчыклар - төрле дәрәҗәдәге республика һәм төбәкара бәйге һәм фестивальләр лауреатлары - биюче кызлар һәм малайлар бу кичне тамашачылар яратып өлгергән иҗат җимешләре белән беррәтән, өр-яңа биюләр дә тәкъдим итте. Балаларның һәр чыгышы якты бер бәйрәм-тамашага әверелеп, зал тутырып килгән ата-аналар, әби-бабайлар, туганнар, бию сәнгатен яратучы гади тамашачының көчле алкышлары белән озатылды. Әлбәттә инде, кичә ахырында, күркәм традиция буенча, ансамбль җитәкчесе республиканың атказанган мәдәният хезмәткәре Минзилә Абдурахманова үзенең чыгарылыш төркеме биючеләре белән хушлашты - күз яшьләре, ата-аналарның эчкерсез рәхмәтләре, зәвыклы чәчәк бәйләмнәре, кыйммәтле бүләкләр - барысы да Халыкара бию көне кысаларында уздырылган иҗат кичәсенә онытылмас тәэсирләр өстәде.

Вакыйга урыныннан фоторепортаж