Ютазы таңы
  • Рус Тат
  • Районда исерек хәлдә машина йөртүне дәвам итәләр

    Атна эчендә, 2 июньнән 8 июньгә кадәр, район автоинспекциясе транспорт йөртүчеләрнең юл хәрәкәте кагыйдәләрен бозуының 98 очрагын ачыклаган. Шул ук чорда полиция хезмәткәрләре белән берлектә ике рейд үткәрелгән.

    Уздырылган тикшерүләр барышында, алты йөртүче исерек хәлдә тоткарланган. Биш кеше транспорт чарасы белән моңа хокукы булмаган килеш идарә иткән, аларның икесе скутерда хәрәкәтләнгән. Дүрт йөртүче Урыссу бистәсендә көйләнүче тимер юл аркылы чыгу урыны аша үтү кагыйдәсен бозган. Алты йөртүчегә балаларны беркеткеч җайланмалардан башка йөрткән өчен штраф салынган. Җиде автобус йөртүче шулай ук юл хәрәкәте кагыйдәләрен бозган. Бер гражданин вакытында штраф түләмәгәнгә җавапка тартылган.

    Иң мөһим һәм кызыклы язмаларны Татмедиа Telegram-каналында укыгыз


    Нравится
    Поделиться:
    Реклама
    Комментарии (0)
    Осталось символов: