Футболчылар тәҗрибә туплый

Футбол буенча беренче лига А дивизионы Татарстан чемпионатының чираттагы уены ял көннәрендә "Энергия" стадионында узды. Урыссулылар үзләрендә Җәлил шәһәреннән "Нефтяник" командасын кабул иттеләр. Уен кунаклары 4:3 исәбе белән урыссулыларны җиңде. Киләсе уен 25 августта узачак. Урыссулылар үзләрендә Чистайдан "Труд-2" командасын кабул итәчәк. Ә яшь футболчылар күптән түгел Әлмәттә район башлыгы кубогына 2000-2001 елларда туган балалар арасында Бөтенроссия турнирында катнаштылар. Безнең команда Әлмәттән, Бөгелмәдән, Түбән Камадан, Чаллыдан килгән үсмерләр белән ярышты. Бу укучыларга республика спартакиадасы алдыннан тупланган зур тәҗрибә булды.