Кышкы картингта икенче урын

Ярышлар 4 февральдә узды һәм Россия ДОСААФының 85 еллыгына багышланды. Аларда Башкортстан һәм Татарстан республикаларының ун командасыннан алтмышка якын узышчы катнашты. Шәхси зачетта "милли юниор" классында урыссулылар арасында ике призер булды: Тимур Фәхретдинов - беренче, Марсель Кашафетдинов өченче урынны яулады. "Союзный" классында безнең узышчы һәм ярышларның даими химаячесе Ильмир Хөснетдинов мактаулы икенче урынны алды. Гомуми команда зачетында безнең узышчылар икенче урынга лаек булды. Кызганыч, тотрыклы салкын һава торышы аркасында ярышларда кече категориядәге "кадет" класслы узышчылар катнаша алмады.