“Олимп” спорт комплексында грек-рим көрәше буенча ачык республика турниры узды

Турнирда Чаллы, Чистай, Әлмәт, Баулы, Лениногорский, Бөгелмә, Октябрьский, Бәләбәй калаларыннан һәм Башкортстан һәм Татарстанның башка шәһәрләреннән тугыз команда катнашты. Турнирда катнашучыларны район башкарма комитеты җитәкчесе Андрей Подовалов сәламләде, аларга уңышлы ярышлар теләде. Татарстан Республикасы Грек-рим көрәше буенча федерациясенең башкаручы директоры Рөстәм Таһиров район җитәкчелегенә физик культура һәм спортны үстерүе өчен рәхмәт белдерде һәм истәлекле бүләк тапшырды. Район башлыгының рәхмәт хатлары белән федерация җитәкчесе Динар Идрисов, грек-рим көрәше химаячесе Хәлил Фәрхетдинов һәм грек-рим көрәше буенча тренер-укытучы Тимур Борһанов билгеләнде.

Иң көчле көрәшчеләр бер генә сәгатькә сузылмаган кайнар алышларда ачыкланды. Алар арасында турнирда призерлар һәм җиңүчеләр булган биш Ютазы районы көрәшчесе дә бар. 71 килограммга кадәр авырлык категориясендә Илдан Ильясов беренче урынны яудады, иң яхшы техника өчен махсус призга да лаек булды. Сергей Антонов һәм Радик Дәүләтчин 69 килограммга кадәр авырлык категориясендә икенче урыннарны яуладылар, Дэвид Шәрипкулов 76 килограммга кадәр авырлык категориясендә бронза медаленә лаек булды, 66 килограммга кадәр авырлык категориясендә Алинур Хәмитов бронза призеры.