Район көрәшчеләре пьедесталны яулый

Районда милли көрәш популярлык казана бара. Моны Азнакай, Бугуруслан, Октябрьский шәһәрләреннән 80 спортчы катнашкан турнирда көрәшчеләребезнең җиңүе раслый. Җиде призлы урынны Бәйрәкәдән тренер-укытучы Радик Әхмәтҗанов тәрбияләнүчеләре яулады. Рәмзил Сафиуллин һәм Илдан Садыйков 26 килограммга кадәр һәм 35 килограммдагы авырлык категориясендә беренче урынны яуладылар. Икенче урынга 40 килограммга кадәр авырлык категориясендә - Раил Фатыйхов, 70 килограммга кадәр авырлык категориясендә Азат Гарипов лаек булды. 29 килограммга кадәр авырлык категориясендә өченче нәтиҗәне Рәмзил Хәйруллин күрсәтте, 50 килограммга кадәр авырлык категориясендә - Илдар Нуриәхмәтов, 55 килограммга кадәр авырлык категориясендә - Марат Садыйков. Каразиректән тренер-укытучы Рамил Касыймов тугыз җиңүче һәм призер тәрбияләгән. Беренче урыннарны түбәндәгеләр яулады: 32 килограммга кадәр авырлык категориясендә - Альмир Захаров, 55 килограммга кадәр авырлык категориясендә - Нияз Миңнияров, 60 килограммга кадәр авырлык категориясендә - Рәмзил Гарифуллин, 70 килограммга кадәр авырлык категориясендә - Илвар Хисмәтуллин. Икенче урында: 29 килограммга кадәр авырлык категориясендә - Алинур Галиуллин, 43 килограммга кадәр авырлык категориясендә - Фаил Касыймов. Өченче урынга 40 килограммга кадәр авырлык категориясендә - Илназ Кашапов, 46 килограммга кадәр авырлык категориясендә - Инсаф Рәхимов, 70 килограммга кадәр авырлык категориясендә Артур Марченко лаек булдылар.