Уен тәмам. Җиңүчеләр билгеле

Октябрь аеның соңгы ике якшәмбесендә узган башлангыч уеннар нәтиҗәсендә 10 команданың алтысы финалга чыкты. Җиңүчеләрнең исемнәре 4 ноябрь көнне билгеле булды. Беренче өч урын өчен Әпсәләм комбинаты, Урыссу ГРЭСы һәм "Профиль М" җәмгыяте командалары көч сынашты. Әпсәләм комбинаты һәм "Профиль М" уенчылары тигез очколар җыйдылар һәм нәтиҗәдә аларның икесенә дә беренче урын бирелде. ГРЭС футболчылары өченче урынга калды.Турнирның иң яхшы һөҗүм итүчесе булып "Профиль М" командасыннан А. Хворонов танылды. Капкага тугыз туп керткән Антонга махсус приз тапшырылды.