Урыссу һәм Минзәлә - җиңүчеләр юк

"Минзилә" (Минзәлә шәһ.) һәм "АКСКиМ" (Урыссу бис.) командалары "Энергия" стадионында шимбә көн кичен очраштылар. Уен киеренке көрәштә узды һәм 3:3 исәбе белән ничьяга тәмамланды. Матч ахырына 3:2 исәбе белән килеп, Урыссу футболчылары, кызганыч, җиңү счетын тота алмадылар һәм уен тәмамлануга ике минут кала үз капкаларына гол керттерделәр. Көндәшләр капкасына барлык өч тупны да безнең команданың ярымсакчысы, команданың уйнаучы тренеры Данияр Рәззаков кертте. Бүген ТР чемпионатының беренче этабы тәмамланачак - Җәлил бистәсенең "Нефтяник" һәм Урыссу бистәсенең "АКСКиМ" командалары очрашачак.