Ютазы чаңгычыларының уңышлы чыгышы

“Олимп” спорт мәктәбе тренеры Таһир Гыйздетдинов кул астында шөгыльләнүче спортчылар Башкортстанның Октябрьский шәһәренең ачык беренчелегендә уңышлы чыгыш тоткан. Биш чакрым дистанциядә 21 яшькә кадәрге ир-егетләр арасында Әмир Әхмәтҗанов ирекле стильдә мактаулы беренче урынга лаек булса, Илмир Латыпов икенче урынга чыккан. Резеда Закирова исә 2005-2006 елгы кызлар арасында ике чакрым дистанциядән өченче булып килгән. Әмир Әхмәтҗанов Җәлил бистәсендә узган республика ярышларында да уңышка ирешкән. Ул ун чакрым араны ирекле стильдә узып, “бронза” медале белән бүләкләнгән