Ютазы бокс мәктәбе югарылыкта

Тренер Г. Хәйруллин истәлегенә багышланган Бөгелмәдә узган ярышларда "Олимп" Ютазы спорт клубы тәрбияләнүчеләре Д. Әпсәләмов һәм В. Колесников "алтын" призерлар булды. Ә Түбән Кама шәһәрендә үткән тренер Ю. Тюрин истәлегенә багышланган бокс буенча ачык турнирда уннан артык регионнан 160 катнашучы арасында Д. Сюсин һәм К. Вәлиуллин "алтын", Р. Гайнетдинов һәм В. Колесников "бронза" яуладылар. Боксчыларны В. һәм Д. Добриннар өйрәтә. "Втормет-Транзит" ҖЧҖ җитәкчелеге спортчыларга химая ярдәмен күрсәткән.