Ютазы боксчылары – лидерлар арасында

Дүрт көн дәвамында 15 яшькә кадәрге 136 спортчы төбәк ярышларына юллама өчен көрәштеләр. Районыбыз дәрәҗәсен безнең өч спортчы яклады.

Шулай итеп, 40 килограммга кадәр авырлык категориясендә Иван Колесников җиңүче булды, шул ук категориядә өченче урынны Иван Хвостов яулады, дип үзенең куанычы белән уртаклашты спортчыларның тренеры Рифкать Мөхәммәтшин ("Атлант" ПМК). Шуны билгеләп үтәргә кирәк, аның тәрбияләнүчеләре рингта характер һәм чын көрәшчеләр сыйфатларын ешрак күрсәтәләр. Тренер Владимир Добрин тәрбияләнүчеләре дә сынатмый ("Олимп" СК, Ютазы авылы), алар исәбендә мондый масштабтагы ярышларда бер генә җиңү түгел. Әйтик, Нурали Эркенов, көндәшләреннән берничә очко гына оттырып, пьедесталның өченче баскычына күтәрелде.