Ютазы чаңгычылары Алабугадан медальләр алып кайттылар

Чаңгы-роллерларда һәм кросста көч сынашкан безнең спортчылар республиканың шәһәр һәм районыннан җыелган 31 команда - 300 артык катнашучы арасында бик яхшы нәтиҗәләр күрсәттеләр. 2000-2001 елгы үсмерләр арасында, ике "алтын" медаль яулап, Андрей Зимин республиканың абсолют чемпионы булды. Шул ук елгы кызлар арасында Айназ Фәйзрахманова "алтын" һәм бронза" медальләргә лаек булды. Шул ук төркемнән Айсылу Зиннурова "көмеш" медаль яулады. 1998-1999 елгы үсмерләр арасында Раил Гайнетдинов "бронза" медале белән бүләкләнде.