Музейда Зариповлар династиясе белән таныштылар

Кәрәкәшле туган як тарихын өйрәнү музеенда, Гаилә көне уңаеннан, авылның күренекле гаиләсе булган Зариповларга багышланган күрсәтмә лекция уздырылды. Чарада Кәрәкәшле мәктәбенең башлангыч сыйныф укучылары катнашты. Алар игътибарына Социалистик Хезмәт Герое Тәүзиха Зарипованың һәм аның гаиләсенең музейда сакланган шәхси әйберләре, мактау грамоталары, гаилә архивыннан алынган фотолары, “Татарстан” телерадиокомпаниясе архивыннан Зариповлар гаиләсенә багышланган видеофильм күрсәтелде.