Рөстәм Миңнеханов – Ютазы җирендә

(Ильмира ГАЛИЕВА, Автор фотолары) Президент үз визитын районда язгы кыр эшләре барышы белән танышудан башлады. Республиканың авыл хуҗалыгы һәм азык-төлек министры Марат Әхмәтов һәм Ютазы районы башлыгы Рөстәм Нуриев озатуында ул “Уңыш”, “АгроМир”, Тукай исемендәге, “Нәбиуллин” агроформированиеләрнең чәчүлекләре белән тынышып узды. Рөстәм Миңнеханов Урыссу гимназиясендә район авыл хуҗалыгы предприятиеләре җитәкчеләре һәм фермерлар белән очрашты. Аларны борчый торган берничә сорауга җавап тотты.

Президент якын киләчәктә Ютазы районы территориясенә үз җитештерү тармаклары белән килеп керәчәк Башкортстан предариятиеләре “Пакер”, “БАСЭТ” компанияләре, шулай ук “Урыссу” сәнәгать мәйданчыгы продукциясе презентациясе белән танышты. 

Ахырда ул агымдагы ел башында гына файдалануга тапшырылган өр-яңа гимназия белән якыннан танышты.