Урыссу бистәсе: әлегә күрексез урын, әмма киләчәктә монда сквер булачак

Пушкин урамындагы, “Фарвин” сәүдә үзәге каршында, ике катлы иске йортны сүткәнгә ике ел вакыт узды. Әлеге урын бүген шыксыз бер мәйданчыкка әверелде. Узган елда шәхси эшмәкәрләрнең берсе бу урынны автотукталыш өчен төзекләндерү идеясы белән чыкты. Ләкин кайчандыр йорт торган урын муниципаль җир булмау сәбәпле, анда нинди дә булса капиталь төзелеш алып бару тыела. Хәтта асфальт салу да капиталь төзелешкә керә. Шуңа күрә район җитәкчелеге бу урында зур булмаган сквер ясау фикере белән чыкты. Ә Муса Җәлил урамында, шулай ук иске йорт сүтелү сәбәпле барлыкка килгән бушлыкта автотукталыш урнаштыру күздә тотыла.

Илмира ГАЛИЕВА