Бүләкләр күчереп яздыручыларны тапты

Яздыру нәтиҗәләре буенча, республикада Татарстанның муниципаль районнары арасында бәйге игълан ителгән иде. Аның нәтиҗәләре буенча, Ютазы районы мактаулы өченче урынга лаек булды. "Әлеге җиңү - барыгызның хезмәт нәтиҗәсе, - дип мөрәҗәгать итте күчереп яздыручыларга район башлыгы урынбасары Рәмзия Хәкимова. - Уңышлы һәм нәтиҗәле эшегез өчен минем сезгә рәхмәтемне белдерәсем килә. Республика җитәкчелеге сезнең хезмәтегезгә шулай ук югары бәя бирде, һәм бүген миңа күңелле бүләкләү миссиясе йөкләнде". Әлеге сүзләр белән Рәмзия Кәшиф кызы бүләкләү чарасын башлады. Бөтенроссия халыкны яздыруда ирешелгән уңышлар өчен 34 медаль тапшырылды. Күчереп яздыруда катнашкан 17 кеше дипломнарга ия булды.