Игътибар таләп ителә

Инвалидлар ункөнлеге мөмкинлекләре чикле гражданнарның проблемаларына җәмәгать игътибарын җәлеп итү, аларның хокукларын һәм законлы мәнфәгатьләрен яклау максатларында уздырыла. Шуның белән бәйле рәвештә, районның ЮХИДИ бүлеге машина белән идарә итүчеләрнең автотукталышларда алар өчен каралган парковкалау урыннарын алмауларын, "Сукыр җәяү йөрүчеләр" билгеләре урнаштырылган җәяүлеләр өчен юлны аркылы чыгу урыннарына аерым игътибар итүләрен, пассажир транспортында инвалидларны йөртүгә игътибар бирүләрен сорый.