Изге Валентин көнендә ютазылылар “Иң яхшы рыцарь”, “Иң гүзәл хатын-кыз”, “Казанова – 2015”ларны сайладылар

Ул Изге Валентин көненә багышланды. Кичә "Ютазы йолдызлары" ансамбленең дәртле биюеннән башланды. Район мәдәният йорты артистлары мәхәббәт турында җырлар башкарды. Алып баручылар тамашачыларны бер-бер артлы кызыклы конкурсларда катнашырга чакырдылар. "Иң яхшы рыцарь", "Иң гүзәл хатын-кыз", "Казанова - 2015" сайланды. Катнашучылар кичә дәвамында сөеклеләренә җырлар һәм шигырьләр багышлады. Һәр конкурста катнашучыга истәлекле сувенирлар һәм татлы бүләкләр тапшырылды. Ахырда "Кичәнең короле" һәм аның королевасы сайланды. Сүз уңаеннан, "Казанова - 2015" титулын алган катнашучы "Кичә короле" исеменә дә лаек булды. "Изге Валентин" кичәсе күңелле һәм кызыклы узды. Мондый кичәләр авыл җирлекләре мәдәният йортларында да үтте.