Районда ТР буенча ЮХИДИ Идарәсе начальнигы Рифкать Миңнеханов булып китте

Республиканың баш дәүләт юл хәрәкәте инспекторы район җитәкчелеге белән бергә Урыссудагы 3 санлы балалар бакчасында булды, мәктәпкә әзерләнү төркеменең юл хәрәкәтләре кагыйдәләре буенча ачык дәресендә катнашты, балалар бакчасында экскурсия ясады, юл хәрәкәте кагыйдәләре бүлмәсе белән танышты, балалар белән аралашты һәм мәктәпкәчә учреждениегә дүрт балалар велосипеды бүләк итте. Сәфәре ахырында Миңнеханов Россия Эчке эшләр министлыгының Ютазы районы буенча бүлегендә гражданнарны кабул итте.