2025 елның 1 сентябреннән кемнәрнең пенсиясе артачак?

Шуңа да карамастан, көзге айның беренче көненнән күбрәк акча ала башлаячак өч төркем бар.

Августта 80 яше тулган пенсионерлар

80 яшькә җиткән пенсионерлар күтәрелгән күләмдә пенсия ала башлаячак. Төгәлрәк әйтсәк, дәүләт аларның пенсиясенең  нигезен тәшкил итә торган беркетелгән күләмен – мәҗбүри акча күләмен икеләтә арттыра. Хәзер аның күләме 8907,70 сум тәшкил итә. Димәк, сентябрьдән агымдагы елның августында 80 яше тулган кешеләрнең пенсиясе шуд кадәргә күтәреләчәк.

Августта инвалидлык рәсмиләштергән пенсионерлар

Шундый ук рәвештә I төркем инвалидлык рәсмиләштергән кешеләрнең  дә пенсиясе арта. Моны августта эшләгән кешеләргә дә сентябрьдән беркетелгән  күләм икеләтә арттырылачак. Димәк, пенсия 8907,70 сумга артачак.

Шунысы мөһим: беркетелгән күләм бер генә тапкыр икеләтә арттырыла. Әгәр дә пенсионер 80 яшькә җиткән булса, I төркем инвалидлык алганда аның пенсиясе артмаячак. Шулай ук, әгәр кешенең I төркем инвалидлыгы  булса да, 80 яшькә җиткәч тә аның пенсия күләме дә үзгәрмиячәк.

Августта эштән киткән пенсионерлар

2025 елдан Русиядә эшләүче пенсионерлар өчен пенсияләрне индексацияләүне кире кайтардылар. Әмма, эшләүче пенсионерларга калган барлык индексацияләрне дә компенсацияләмәделәр.

Пенсияне тиешле барлык өстәмәләрне исәпкә алып яңадан исәпләнсен өчен, кешегә хезмәт эшчәнлеген тәмамларга кирәк. Шуңа күрә сентябрьдә пенсияләрнең артуы августта эштән киткән кешеләргә генә кагыла. Арту күләме һәркемнеке аерым – барысы да пенсионерның күпме тиешле индексацияне уздыруына бәйле.