2026 елда кемнәр социаль пенсия алачагын Татарстанлыларга сөйләделәр

Бу хакта «Татар-информ» хәбәр итә. Республикада яшь буенча ике төрле пенсия бар. Иминият пенсиясен 15 елдан ким булмаган эш стажы һәм 30 пенсия баллы булган кешеләр ала. Стажы яки баллары җитмәгән гражданнар социаль пенсия ала.

Теләүчеләр эшне дәвам итә ала, стажларын һәм пенсия балларын арттырып, соңрак зуррак түләүле иминият пенсиясен рәсмиләштерә алалар.

2026 елда социаль пенсиянең минималь күләме 9424,1 сум тәшкил итәчәк. Әгәр бу пенсионерның бердәнбер кереме булса, дәүләт җитмәгән сумманы яшәү минимумына кадәр өстәп бирәчәк, ул Татарстанда 2026 елда 16 098 сумга тигез булачак.