Ютазы районыннан бу язда хәрби хезмәткә 42 егет китәчәк

Апрель ае ахырында үткәрелгән Бөтенроссия призывник көне кысаларында табын артына җыелган булачак содатларга район башкарма комитеты җитәкчесе урынбасары Илдар Хаҗиев, Баулы шәһәре һәм районы, Ютазы районы буенча хәрби комиссариат бүлеге начальнигы Илшат Халитов, хәрби хәрәкәтләрдә катнашкан райондашлар һәм башка кунаклар хәерле хезмәт көннәре теләделәр. Бу көнне 12 майда армия сафларына алынучы өч егеткә повесткалар тапшырылды. Ватаныбызның булачак сакчыларына район мәдәният йорты артистлары иң матур җырларын бүләк иттеләр.